जाइकाका पदाधिकारीहरुसंग भेटघाट तथा छलफल । Indo-Nepal Trade and Investment Promotion विषयक गोष्ठी सम्पन्न । एपीएल सिपिङ्ग कम्पनीका Head of Commercial Thakur सँग भेटघाट । हल्दिया डक कम्प्लेक्ससँग वीउवासङ्घको छलफल सम्पन्न
औद्योगिक ऊर्जा व्यवस्थापन सम्बन्धी तालिम सम्पन्न
PDF Print E-mail
alt वीरगञ्ज, २१ माघ/ उद्योग मन्त्रालय, औद्योगिक ऊर्जा व्यवस्थापन आयोजना तथा वीरगञ्ज उद्योग वाणिज्य सङ्घको संयुक्त आयोजनामा औद्योगिक ऊर्जा व्यवस्थापन (Industrial Energy Management) सम्बन्धी २ दिने तालिम सङ्घकै सभाकक्षमा सम्पन्न भएको छ ।
तालिमको समापन कार्यक्रममा सङ्घका अध्यक्ष श्री ओमप्रकाश शर्माले ऊर्जाको बढ्दो महत्व र यसको उपयोगिताका बारे चर्चा गर्दै उद्योग प्रतिष्ठानहरुमा नियमित तथा गुणस्तरीय ऊर्जाको अभाव भइरहेको वर्तमान परिवेशमा आयोजित तालिम कार्यक्रमबाट ऊर्जा व्यवस्थापनमा सहयोग पुग्ने विश्वास आपूmले लिएको बताउनुभयो । यसैगरी तालिममा सहभागी प्रशिक्षार्थीहरुलाई दुई दिनसम्म तालिममा सिकेका कुराहरु व्यवहारमा उतार्न समेत आग्रह गर्नुभएको थियो ।
तालिमका प्रशिक्षक दिनेशप्रसाद साहले आयोजनाले आफ्नो वार्षिक कार्यक्रम अन्तर्गत यस वीरगञ्ज–पथलैया करिडोरमा अवस्थित उद्योगहरुलाई लक्षित गरी उक्त तालिमको आयोजना गरिएको जनाउनुभयो । परियोजनाका दिनेशप्रसाद साह र ज्ञानेन्द्रप्रसाद उपाध्यायले प्रशिक्षण दिनुभएको उक्त तालिममा सङ्घका सचिव मनोजकुमार दासको उपस्थिति रहेको थियो भने पर्सा–बाराका उद्योगहरुका तर्फबाट २५–३० जना प्राविधिक तथा इञ्जिनियरहरुको सहभागिता रहेको थियो ।