भारतीय रेल्वे मन्त्री सुरेश प्रभुसँग वीउवासङ्घको भेटघाट सम्पन्न । वीउवासङ्घद्वारा ऊर्जा मन्त्री जनार्दन शर्मासँग भेटघाट । राजदूत उपाध्यायसँग सङ्घका उपाध्यक्ष गुप्ताको भेटघाट सम्पन्न । Indo-Nepal Trade & Transit Issues सम्बन्धमा छलफल सम्पन्न । भारतीय राजदूत महामहिम रञ्जित रेको बिदाई समारोह सम्पन्न । औद्योगिक सुरक्षा बल, सिमराको भवन उद्घाटन । नेपाल विद्युत प्राधिकरण, सिमराका प्रमुख सञ्जीव साहसँग भेटघाट । औद्योगिक ऊर्जा व्यवस्थापन सम्बन्धी तालिम सम्पन्न । सङ्घका अध्यक्ष ओमप्रकाश शर्माद्वारा रिले अनसन कार्यक्रमको उद्घाटन । सङ्घद्वारा भारतीय महावाणिज्यदूत बी.सी. प्रधानको स्वागत कार्यक्रम सम्पन्न ।औद्योगिक ऊर्जा व्यवस्थापन सम्बन्धी तालिम उद्घाटन । सङ्घका अध्यक्ष ओमप्रकाश शर्माद्वारा डाइग्नोस्टिक सेन्टरको उद्घाटन । पर्सा–बारा लोडसेडिङ्गमुक्त हुने । वातावरण सम्बन्धी सचेतनामूलक कार्यक्रम सम्पन्न । सेफर वीरगञ्जलाई चेक हस्तान्तरण
वीउवासङ्घद्वारा ऊर्जा मन्त्री जनार्दन शर्मासँग भेटघाट
PDF Print E-mail
alt फाल्गुन ८, काठमाण्डौं/ वीरगञ्ज उद्योग वाणिज्य सङ्घका अध्यक्ष ओमप्रकाश शर्माको नेतृत्वमा ३ सदस्यीय टोलीले आज एक समारोह बीच ऊर्जा मन्त्री जनार्दन शर्मासँग भेटघाट गरेको छ ।

भेटघाटका क्रममा सङ्घका अध्यक्ष ओमप्रकाश शर्माले केही दिन अघि सङ्घकै कार्यकक्षमा मन्त्री शर्माबाट पर्सा–बारा क्षेत्रमा २० घण्टा विद्युत् आपूर्ति भइरहेकोमा लोडसेडिङ्ग मुक्त गर्ने प्रतिबद्धताको विपरीत झन् विद्युत् कटौती भई १६ घण्टा पु¥याइएको मन्त्री शर्माको ध्यानाकर्षण गराउनुभयो । उहाँले मुलुककै प्रमुख औद्योगिक कोरिडोरको रुपमा रहेको पर्सा–बारा क्षेत्रलाई लोडसेडिङ्ग मुक्त नगरिँदा यस क्षेत्रका उद्योगहरु प्रभावित भई सिङ्गो मुलुककै अर्थतन्त्रमा नकारात्मक असर परिरहेको मन्त्री शर्माको ध्यानाकर्षण गराउनुहुँदै बारा–बारा क्षेत्रलाई समेत लोडसेडिङ्ग मुक्त पार्नको लागि पुनः आग्रह गर्नुका साथै भारतबाट रक्सौल–परवानीपुर ट्रान्समिशन लाईन भएर आउने ५० मेगावाट विद्युतलाई नेशनल ग्रिडमा समावेश नगरी यसै वीरगञ्ज–पथलैया औद्योगिक कोरिडोरका साथै पर्सा–बारा क्षेत्रको लागि छुट्टयाउन सकिएमा थप नयाँ लगानी भित्रिनुका साथै रोजगारीमा अभिवृद्धि हुने बताउनुभयो ।

ऊर्जा मन्त्री जनार्दन शर्माले भारतबाट आयात हुने ५० मेगावाट विद्युतलाई नेशनल ग्रिडमा समावेश नगरी पर्सा–बारा क्षेत्रको लागि छुट्टयाउन सकारात्मक रहेको बताउनुभयो । उहाँले सिङ्गो मुलुककै लागि चाहिने विद्युत् आपूर्तिको लागि आपूm निरन्तर प्रयत्नरत रहेको बताउनुहुँदै हाल नेशनल ग्रिड चार्जिङ्ग फेजमा रहेको र करिब एक हप्ता पछि विद्युत् आपूर्ति हुने भएकोले हप्ता दिन पश्चात् बारा–पर्सा क्षेत्र लोडसेडिङ्ग मुक्त बनाउने पुनः प्रतिबद्धता जनाउनुभयो ।

पूर्व मन्त्री उर्मिला अर्यालको सहकार्यमा आयोजित भेटघाट कार्यक्रममा सङ्घका उपाध्यक्ष सुबोधकुमार गुप्ता, पूर्व अध्यक्ष अशोककुमार वैधको सहभागिता रहेको थियो ।