वीरगञ्ज उद्योग वाणिज्य सङ्घको अगुवाईमा जिल्ला प्रहरी कार्यालय, पर्सा, बैंक तथा वित्तीय संस्था, नागरिक समाज समेतको सहभागितामा सञ्चालित सेफर वीरगञ्जले वीरगञ्ज नगरलाई शान्त, सुन्दर, सफा र सुरक्षित तुल्याउने उद्देश्यले नगर क्षेत्रमा सिसि क्यामेराको जडान तथा मर्मत सम्भार गर्दै आएको छ ।

मेयर सरावगीले सरसफाई र सुरक्षा नगरवासीको प्राथमिकता भएकोले वीरगञ्ज महानगरपालिकाको सुरक्षा र सरसफाइलाई सुदृढ बनाउन नगरलाई सुरक्षित गर्ने उद्देश्यले सुरु गरिएको यस अभियानबाट नगर सुरक्षित र शान्त हुने र अपराध पनि घट्ने बताउनुभयो ।

वीउवासङ्घका अध्यक्ष शर्माले प्राप्त सहयोगले सेफर वीरगञ्जद्वारा थालनी गरिएको काम कारवाहीमा ठूलो सहयोग पुग्ने बताउनु हुँदै उक्त अवसरमा सेफर वीरगञ्जलाई अझ प्रभावकारी ढङ्गबाट अगाडि बढाउन सबैसँग निरन्तर सहयोगको लागि अपिल गर्नु भयो ।

कार्यक्रममा वीउवासङ्घका महासचिव सुनिलकुमार खेतान, वीउवासङ्घका कार्यकारी सचिव सुनिलकुमार कण्ठलगायतको उपस्थिति रहेको थियो ।