उपभोक्ता सम्बन्धी गोष्ठी तथा कार्यशाला सम्पन्न । एपीएल इण्डियाले नेपालमा कन्टेनर सेवा प्रदान गर्ने । वी.म.न.पा.का प्रमुख प्रशासकीय अधिकृत डा. भूषालसँग भेटघाट तथा छलफल । कर शिक्षा तथा अन्तरक्रिया सम्पन्न । पूर्व परराष्ट्र मन्त्री एवम् नेपाली कांग्रेसका सहमहामन्त्री डा. प्रकाशसरण महतसँग भेटघाट । वीउवासङ्घद्वारा प्र.भ.अ. पोखरेलको बिदाई । वीउवासङ्घ अध्यक्ष शर्मा र भारतीय यातायात मन्त्री गडकरीबीच भेटघाट । प्रादेशिक आर्थिक नीति विषयक अन्तरक्रिया सम्पन्न । वी.म.न.पा.को अनुचित करविरुद्ध वी.उ.वा.संघ । पेशा पहिचान सम्बन्धी कार्यशाला गोष्ठी सम्पन्न । वातावरण प्रदूषण नियन्त्रण सम्बन्धी अन्तरक्रिया सम्पन्न ।
दुई दिवसीय अनलाईन उत्पत्तिको प्रमाणपत्र सम्बन्धी तालिम सम्पन्न
PDF Print E-mail
alt वीरगञ्ज, २२ भदौ/ नेपाल उद्योग वाणिज्य महासङ्घ र भंसार विभागको संयुक्त तत्वावधानमा दुई दिवसीय उत्पत्तिको प्रमाणपत्र सम्बन्धी तालिम सङ्घकै कार्यकक्षमा सम्पन्न भयो ।

पछिल्लो समयदेखि उत्पत्तिको प्रमाणपत्र (सर्टिफिकेट अफ ओरिजिन) लाई सिङ्गल विन्डो सिस्टम मार्फत् अनलाईन इन्ट्री गर्ने व्यवस्था नेपाल सरकार भंसार विभागले अघि सारे पछि उत्पत्तिको प्रमाणपत्र जारी गर्ने उद्योग वाणिज्य सङ्घहरुलाई अबदेखि अनलाईन मार्फत् जारी गर्ने गरी पहल गर्न र सो सम्बन्धमा निर्यातकर्ता र उद्योग वाणिज्य सङ्घहरुको भूमिकाका बारे प्राविधिकहरुले दुई दिने तालिमका अवसरमा विस्तृत रुपमा बताएका थिए । स्थलगत रुपमै निर्यातकर्ता र जारी गर्ने संस्था उद्योग वाणिज्य सङ्घका सचिवालयका कर्मचारीहरुलाई अनलाईन जारी गर्दा अवलम्बन गर्नुपर्ने प्रक्रियाका सम्बन्धमा भंसार विभागका प्राविधिज्ञ र नेपाल उद्योग वाणिज्य महासङ्घका प्राविधिक सम्मिलित टोलीले तालिम÷प्रशिक्षण दिएका थिए ।

यस अघि वीरगञ्ज उद्योग वाणिज्य सङ्घले भंसार विभागका उपमहानिर्देशक श्यामप्रसाद भण्डारी, निर्देशक सूर्यप्रसाद सेढाई तथा वीरगञ्ज भंसारका मुख्य भंसार प्रशासक विश्वप्रकाश अर्यालसँग सङ्घकै कार्यकक्षमा भेटघाट गरी भंसार लगायत व्यापार सहजीकरणका बारे विस्तृत छलफल गर्दै अनलाईन उत्पत्तिको प्रमाणपत्र जारी गर्ने विषयमा व्यापक छलफल र अन्तरक्रिया गरेको थियो ।

alt उक्त कार्यक्रममा सङ्घका अध्यक्ष सुबोधकुमार गुप्ताले अनलाईन सिओ जारी गर्ने गरी भंसार विभागले थालेको अभियानलाई सफलीभूत बनाउन वीरगञ्ज उद्योग वाणिज्य सङ्घ अग्रगामी भूमिकामा रहने बताउँदै दुई दिवसीय तालिमले उद्योग वाणिज्य सङ्घका कर्मचारी र निर्यातकर्ताहरुलाई धेरै सहज भएको र आगामी दिनमा पनि यस सम्बन्धमा तालिम÷प्रशिक्षण भई रहनु पर्नेमा जोड दिनुभएको थियो ।

कार्यक्रममा भंसार विभागका उपमहानिर्देशक श्यामप्रसाद भण्डारी, वीरगञ्ज भंसारका मुख्य प्रशासक विश्वप्रकाश अर्याल र भंसार विभागका निर्देशक सूर्यप्रसाद सेढाईले अनलाईन तथा सिङ्गल विन्डो सिस्टमका बारे विस्तृत रुपमा जानकारी गराउँदै यसभन्दा अघि हामी म्यानुअल रुपमा काम गर्दा समय बढी लाग्ने बताएका थिए ।

कार्य सम्पादनमा लागत तथा झन्झट र सरकार तथा सेवाग्राही दुवै पक्ष सन्तुष्ट नरहने अवस्थालाई निरुपण गर्न यो अनलाईन÷सिङ्गल विन्डो सिस्टमले विगतमा कर्मचारीहरुले आफ्नो टेबलमा आएको फाइल थन्काएर काम नगर्ने प्रवृत्तिलाई समेत निरुत्साहित गर्दै कर्मचारीलाई जिम्मेवार र उत्तरदायी बनाउने र सेवाग्राहीहरु समेतले आफ्नो काम सहजतापूर्वक कम समय र कम लागतमा सम्पादन गर्ने भएकोले यसको महत्व र उपयोगिता आजको परिवर्तित समयमा बढेर गएको धारणा व्यक्त गरेका थिए ।

पर्सा–बाराका गरी २० जनाको सहभागिता रहेको उक्त तालिम कार्यक्रमका प्रशिक्षक धनबहादुर प्रजापति, मिलाप श्रेष्ठ, अरुण पौडेल, ईश्वरकुमार सिंह, अर्जुन श्रेष्ठले प्रशिक्षण दिनु भएको थियो भने कार्यक्रमको सहजीकरण मनोज उपाध्यायले गर्नु भएको थियो ।